شباك و بلكونة

شباك و بلكونة
• انا فعلا مبحبوش ...مبحبهمش كلهم ...خونة ، خونة و أندال...دول مش رجالة دول زفت .

• قالت لي الكلام ده و انا سكت ، قلت يعني هو مش راجل هو يعني انا مش عارفة ايه الي مطلوب عشان يكون راجل. انا اصلا معرفش ايه المطلوب عشان اكون ست.

• انا خايفة ، خايفة اقرب منه او منهم كلهم ، انا عمري ما قربت منهم و هو مصر...طيب هو يعني ممكن يكون طيب زيها . هو ممكن يحبني زيها...هي حمتني ، و حبتني و اخدت بالها مني.

• هو طول الوقت معايا و جوايا بس انا مبحسش بحاجة و هو كمان بيدير و يقوم يولع سيجارة و ينفخ في وشي و يتأفأف كأن انا السبب، بس الحمد لله بطل يضربني.

• مسكتتش و كملت، اصل انا بجد حسه ان الدنيا بتلف بيا . انا عايزاه بس يمكن يكون مش حنين و هما بيقولو ان الرجالة طمعيين... زفت زفت كلهم زفت. هو صحيح عمره ما أزاني بس انا ايش ضمني ، هي بتخوفني منهم و هي اكيد صح ، هي معملتش معايا الي عملوه معاكي و ده مخليني عايزه بس من غيرها مفيش حاجة تسوا ...هو ضعيف و هي قوية.

• انا مبحسش يعني، يعني ايه الي عملوه فيا ، ما هو ده الصح ، هو ده الي خاليني معاه و هي واقفة مكنها .... هو بطل يضربني هو بيحبني هو راجل هو كويس هو حقيقي هو الراجل انما هي عندها حيطه.

• هي قالت لي ان الرجالة مبقوش رجالة ، و ان انا مش محتجاه و هي هتفضل معايا ، انا عرفه انها كبيرة بس انا متأكده ان هي عند كلمتها ، و بعدين هي بتخليني مش محتجاه ، هي بتلعب معايا و بتأكلنيي و بتحميني و يتنام جنبي ....انا مش عيزاه ، كلهم زفت.

• انا اصلي ضربته بالشماعة ، هو صحيح انا دلوقتي معرفش اخلف بس انا مش فارق معايا ، هو موجود و جوايا و بيتأفأف بس بطل يضربني ، انا حسه انه احتمال اكون بشك اني بحبه بس هو جوايا.

• انا بحبها

• انا بحبه